НҰР-СҰЛТАН, 11  апреля. Ресей ІІМ-нің Мәскеу облысы бойынша Бас басқармасының Есірткі бизнесіне қарсы күрес басқармасының қызметкерлері «Гром» арнайы бөлімшесінің қолдауымен  психотроптық заттарды заңсыз өндірді деген күдікпен Украинаның үш азаматын ұстады, деп mvdmedia.ru хабарлайды.  

Полиция алған жедел ақпаратты тексеру барысында қаскүнемдер мефедрон өндіру зертханасын құру үшін Серпухов ауданында үйді жалға алғандығын анықтады. Ол жерде тергеушілер прекурсорлары бар түрлі контейнерлерді, тұз қышқылы бар канистрлерді, электронды таразыларды, сондай-ақ сұйықтық толтырылған пластикалық контейнерлерді тапты. Болжам бойынша, екі күдікті тыйым салынған заттарды химиялық өндіруге жауап берді, ал үшіншісі оларды тұтынушылардың мекен-жайларына жеткізген.

Химиялық зерттеу жалпы салмағы 9,5 келі болатын, шамамен 28 мың бір реттік дозаны құрайтын психотропты зат — мефедрон тәркіленгенін растады .

Ресейдің Ішкі істер министрлігі «Серпуховское» муниципаларалық басқармасының  тергеу басқармасы Ресей Федерациясының Қылмыстық кодексінің 30 және 228.1 баптары бойынша қылмыстық іс қозғады. Сотталушыларға қатысты сот қамауда ұстау түріндегі бұлтартпау шарасын таңдады », — деді Ресей ІІМ ресми өкілі Ирина Волк.