НҰР-СҰЛТАН, 13 сәуір. Уагадугудан келіп түскен ақпарат бойынша, Буркина-Фасоның қауіпсіздік күштері сенбі күні елдің солтүстігіндегі Сум провинциясында алты белгісіз содырды жойды. Атыс кезінде бір әскери қызметші де қаза тапты. Бұл туралы ел армиясының мәлімдемесіне сілтеме жасап Синьхуа агенттігі хабарлады .
Бұл күні белгісіз содырлар Сум провинциясындағы Джибо қаласы маңында барлау миссиясын орындаған қауіпсіздік күштері қызметкерлеріне шабуыл жасағандығы айтылады. Сол жерде атыс басталды.
Әзірге болған оқиға үшін жауапкершілікті ешкім мойнына алған жоқ.
Еске сала кетейік, 2015 жылдан бастап Буркина-Фасо аумағында лаңкестңк шабуылдар жиі болып тұрады, елде қауіпсіздіктің қиын жағдайы қалыптасты. Сонымен, осы жылдың 8 наурызында Ятенга провинциясындағы екі ауылға жасалған шабуылдар нәтижесінде кем дегенде 43 адам қаза тапты.
