НҰР-СҰЛТАН, 14 сәуір. Дондағы Ростовтағы Оңтүстік аудандық әскери соты Ставрополь өлкесінің тұрғынын терроризм идеологиясын мақұлдайтын материалдарды әлеуметтік желіде жариялағаны үшін алты жылға бас бостандығынан айыруға үкім шығарды. Бұл туралы соттың баспасөз қызметіне сілтеме жасап ТАСС хабарлады.
«[Хабиб] Исагаджиев кінәлі деп танылды және қылмыстардың жиынтығы бойынша 6 жылға бас бостандығынан айыру түріндегі жаза тағайындалды », — делінген хабарламада.
Соттың мәліметі бойынша, 2018 жылдың 30 сәуірі мен 3 мамыры аралығында ер адам Ставрополь өлкесінде болып, өзінің ұялы телефонынан әлеуметтік желілердің бірінде терроризм идеологиясын мақұлдайтын төрт бейнеролик және үш мәтіндік материал орналастырған.
