НҰР-СҰЛТАН, 25 сәуір. Бір топ қарулы содырлар, Тәжікстан азаматтары, Ауғанстанның Бадахшан провинциясындағы үкіметтік посттарға шабуыл жасады, деп жазады  ТаджикТА.

БАҚ атап өткендей, бұл туралы Нусай уездінің қауіпсіздік бөлімінің өкілі хабарлады.

«Ямган уездіндегі шетелдік содырлардың саны шамамен 500 адамды құрайды, олармен бірге 150 адам отбасы мүшелері-әйелдері, балалары. Шетелдік содырлар сондай-ақ Тәжікстанмен шекаралас Ауғанстанның Дарвазымен шектесетін Рагистан уезінде орналасқан. Бірнеше күн бұрын Рағистан аймағынан 15-тен астам адамнан тұратын тәжікстандық қарулы топ Куф-Аб ауданының үкіметтік күштерімен қақтығысып, қарсылыққа тап болып, Рагистан уезіне кері қарай кетті», — деп хабарлады қауіпсіздік күштерінің өкілі.

Оның айтуынша, қазіргі уақытта көптеген уездерде ортаазиялық республикалар мен Кавказдан шыққан лаңкестер тобы бар.

«Кей жерлерде олар аумақтарды 50%, бір жерде 100% дейін бақылайды. Олардың бары Вардуджа, Рагистан, Ямган, Джурме, Дарайм мен Яфталда қатты байқалады. Шетелдік содырлар жергілікті тәлібтермен бірлесіп әрекет етуде», — деді дереккөз.

Сонымен қатар, Нусай уезді басшысының орынбасары Абдулгаффор Гардиш Тәжікстанмен шекаралас уездердегі жағдай тұтастай тыныш екенін хабарлады.

«Шикай уездіндегі жағдай қазір тыныш, сондай-ақ, әзірге Маймай мен Хвахандағы жағдай да тұрақты. Тек, Нусай уездінде кейбір мәселелер бар, онда содырлар 16 елді мекеннің 15 – ін бақылайды», — деді Гардиш.