НҰР-СҰЛТАН, 30 маусым. Түркияның құқық қорғау органдары «Ислам мемлекетімен» (ҚР қызметі тыйым салынған ұйым)  байланысы бар деп айыпталған үш адамды ұстады, деп  Anadolu Ajansi-ге сілтеме жасап REGNUM хабарлайды.

Құрықтау операциясы елдің солтүстік-батысында орналасқан Болу провинциясында жүргізілді. Журналистердің ақпараты бойынша, ұсталған адамдар Сирия азаматтары болған. Айыпталушылардан құжаттар мен сандық ақпаратты жеткізгіштер тәркіленді.

Естеріңізге сала кетейік, «Ислам мемлекеті» содырлары (ҚР тыйым салынған ұйым) Түркия аумағында, құрбаны 315 адам болған 10-нан астам лаңкестік әрекет жасаған.