НҰР-СҰЛТАН, 29 шілде. Камбоджада есірткі заттарын сақтау және контрабандалау күдігімен Оңтүстік Кореяның екі азаматы қамауға алынды, деп Синьхуа ақпарат агенттігіне сілтеме жасап REGNUM АА хабарлайды.
Жарияланған мәліметтерге сәйкес жергілікті құқық қорғау органдары оңтүстік кореялықтарды 23 шілдеде ұстады.
Күдіктілер тұрған Пномпен қаласындағы пәтерден 1,38 кг метамфетамин табылғандығы белгілі. Оңтүстіккореялықтар Камбоджадан Оңтүстік Кореяға есірткі жеткізумен айналысқан деп болжануда.
Ұсталғандардың біреуі бұдан бұрын басқа есірткі ісі бойынша Интерпол іздеуінде болғаны атап өтілді.
