НҰР-СҰЛТАН, 04 тамыз.  Ауғанстанда «Ислам мемлекеті» лаңкестік ұйымының «Хорасан» тармағының барлау бөлімінің  басшысы Ассадулла Оракзай жойылды,  деп елдің Ұлттық қауіпсіздік директоратына сілтеме жасап Sputnik Тәжікстан жазады.

Ресми мәліметтерге сәйкес, ИМ мүшесін жою бойынша арнайы операция 1 тамыз күні кешке Пәкістанмен шектесетін Нангархар провинциясының аумағында өтті.

Мекеме орындалған арнайы операцияның егжей-тегжейін келтірмейді.

Ауғанстанның Ұлттық қауіпсіздік директоратында Оракзайдың тұрғындарға шабуыл жасауды ұйымдастыруға және ИМ құрылымындағы қарсыластарды «жоюға» жауапты екенін айтты. Оның әрекеті үшін оған «ИМ қасапшысы» деген лақап ат қойылды.

Соңғы кезде Ауғанстанда «Ислам мемлекеті» лаңкестік ұйымының ықпалы күшейе түсті.

Ауғанстанның Ұлттық қорғаныс және қауіпсіздік күштері бүкіл ел бойынша лаңкестікке қарсы бірлескен операцияларды жүргізуде.