НҰР-СҰЛТАН, 04 тамыз.  Қырғызстанда тыйым салынған «Хизб ут-Тахрир» діни-экстремистік ұйымына мүше болды деген күдікпен Орталық Азия республикаларының бірінің азаматы ұсталды, деп Мемлекеттік ұлттық қауіпсіздік комитетінің баспасөз қызметіне сілтеме жасап Sputnik Қырғызстан хабарлайды.

 «30 шілде күні тыйым салынған «Хизб ут-Тахрир әл-Ислами» діни-экстремистік ұйымының диверсиялық әрекетінің жолын кесу жөніндегі іс — шаралар барысында аталған экстремистік ұйымның мүшесі — 1986 жылы туған Орталық Азия республикаларының бірінің азаматы ұсталды», — делінген хабарламада.

Сонымен қатар, тергеу-қамауға алынған адам да аса ауыр қылмыс жасағаны үшін ТМД елдерінің бірінде мемлекетаралық іздеуде екендігі айтылған.

«Қазіргі уақытта ұсталған адамды одан әрі тиісті жауапкершілікке тарту үшін белгіленген тәртіппен әріптестердің құзырлы органдарының өкілдеріне беру туралы мәселе шешілуде», — деп атап өтті мекемеде.

Қазір ұсталған адам МҰҚК тергеу изоляторында.