НҰР-СҰЛТАН, 09 тамыз.  Мәскеудің шығысындағы «Город» сауда үйі жарылғыш зат қойылды деген анонимді хабарламадан кейін эвакуацияланды. Бұл туралы төтенше жағдайлар қызметіндегі дереккөзге сілтеме жасап ТАСС хабарлайды.

«Энтузиастов тас жолы,12, 2-ғимарат мекен-жайы бойынша орналасқан  «Город» сауда орталығын миналау туралы хабарлама келіп түсті. Адамдар эвакуацияланды, ғимарат тексерілуде», — деп баяндады агенттік сұхбатшысы.

Ресей  қалаларындағы миналау толқыны 2019 жылдың қараша айында басталды. Белгісіз адамдар электронды пошта арқылы соттарда, мектептерде, сауда орталықтарында, дүкендерде, университеттерде жарылыс қаупі туралы ақпарат жібереді. 2020 жылдын наурыз айынан бастап ұшақтардың борттарында жарылыс қаупі туралы хабарламалар түсе бастады.Қатерлердің ешқайсысы расталған жоқ. Ресейлік ФҚҚ «миналау» туралы мыңдаған жалған хабарламалар түскен бес шетелдік ресурстардың бұғатталғаны туралы хабарлады.