АҚТАУ, 12 тамыз. Маңғыстау облысы Полиция департаментінің Есірткі қылмысына қарсы іс-қимыл басқармасының қызметкерлері 60 есірткі қылмысының фактісін анықтады, деп Маңғыстау облысының ПД баспасөз қызметіне сілтеме жасап Маңғыстау Медиа хабарлайды. 

«Нашақорлықтың алдын алу әрбір сынып, әрбір орта және жоғары оқу орындары, әрбір отбасы арқылы жасөспірім мен жастардың есірткіге қарсы психологиялық иммунитетін қалыптастыра отырып, есірткіге қарсы насихат кешенді және әр түрлі болуы тиіс, міндетті түрде салауатты өмір салтын насихаттаумен ұштастырылуы тиіс», – деп атап өтті Маңғыстау облысының бас полицейі Жанарбек Бақтыбаев.

Жеті ай ішінде Маңғыстау облысы Полиция департаментінің Есірткі қылмысына қарсы іс-қимыл басқармасының қызметкерлері 60 есірткі қылмысының фактісін анықтады, оның ішінде 45 есірткі өткізу фактісі, бес – аса ірі көлемде сақтау, екі ұйымдасқан қылмыстық топтарға қатысты өткізу фактісі, 58 есірткі құралдарын насихаттау немесе заңсыз жарнамалау жөніндегі сайт, екі есірткі құралдары контрабандасының фактісі, үш есірткіні пайдалану үшін притондар ұйымдастыру және ұстау фактісі, 300-ден астам өткізу мақсатынсыз есірткі қылмыстары.

Аймақтың Есірткі қылмысына қарсы іс-қимыл басқармасының қызметкерлері ПД Жергілікті полиция қызметімен бірге карантин жағдайында есірткіге қарсы үгіт-насихат жүргізді. Коронавирустың таралуын болдырмау үшін полиция акция аясында “Есірткіге жол жоқ!” жазуы бар және символдық логотипі бар азаматтарға медициналық маскалар тарата отырып, қызметкерлер коронавирустық инфекция эпидемиясы кезінде жеке қорғаныс құралдарын кию қажеттілігін түсіндіре отырып, есірткінің қауіптілігі туралы ескертті.