НҰР-СҰЛТАН, 13 тамыз.  Өзбекстан, Америка Құрама Штаттары мен Ауғанстан жаңа COVID-19 коронавирусының таралуына, терроризм мен есірткі бизнесіне қарсы күресте өзара іс-қимылды күшейтуде, деп Өзбекстан сыртқы істер министрлігінің баспасөз қызметіне сілтеме жасап Sputnik Тәжікстан хабарлайды.

Баспасөз қызметінің хабарлауынша, 12 тамызда «Өзбекстан-АҚШ-Ауғанстан» үшжақты ынтымақтастық форматындағы қауіпсіздік жөніндегі шағын комиссияның бірінші отырысы бейнеконференция форматында өтті. Тараптар, атап айтқанда, коронавирустық инфекцияның аймақтық және жаһандық қауіпсіздікке әсерін талқылады.

 «COVID-19 салдарын болдырмау үшін күш-жігерді біріктіру қажеттілігі атап өтілді», — делінген СІМ-нің Telegram арнасында.

Тараптар сондай-ақ есірткі бизнесіне және терроризмге қарсы күрестің тиімділігін арттыру үшін шекараны қорғау және тараптардың тиісті департаменттері арасында ақпарат алмасу саласындағы өзара іс-қимылды кеңейтудің маңыздылығын атап өтті, деп Өзбекстан сыртқы істер министрлігінде қосты.

Мамыр айының соңында «Өзбекстан — АҚШ — Ауғанстан» алғашқы үшжақты кездесу бейнеконференция форматында өтті.

Кездесуден кейін Өзбекстан СІМ жаңа үш жақты формат — Ауғанстандағы бейбітшілік процесін ілгерілетуге, ел экономикасын жандандыруға, сондай-ақ оны аймақтық экономикалық процестерге белсенді қатысуға бағытталған практикалық ұсыныстарды әзірлеудің консультативтік тетігі екенін айтты.