НҰР-СҰЛТАН, 16 тамыз.  14 тамыз күні Сомалидің оңтүстігіндегі Төменгі Шабелле аймағындағы Куртунвари аймағында елдің ұлттық әскерінің күшімен «Аш-Шабаб» содырларының төрт басшысының көзі жойылды, деп қытайлық CGTN арнасына сілтеме жасап Красная Весна АА хабарлайды.

Сомали ұлттық әскерінің қолбасшысы Исмаил Әбдімалік Малин журналистерге Төменгі Шабелле аймағында лаңкестерді қуып шығару операциясы сәтті өткенің айтты.

«Біз «Аш-Шабаб» содырларының қорғаны болып табылатын Куртунвари аймағында операция кезінде «Аш-Шабабтың» төрт басшысын өлтіріп, бірнешеуін жараладық. Біз қаланы өз бақылауымызға алып, камераларға қамалған азаматтарды босаттық», — деді Малин.

Ол сонымен қатар әскер операция кезінде жарылмаған бомбаларды сәтті жойғанын айтты. Малин әскерилер Саблале қаласына қарай қашқан содырларды қуып келе жатқанын қоса айтты.

Оның айтуынша, операцияларды әскерилер аумақ лаңкестерден босатылғанға дейін жалғастырады.