НҰР-СҰЛТАН, 22 тамыз. 2014 жылдан бері Ванч ауданының 53 тұрғыны, оның ішінде 3 әйел бар террористік топтың құрамына кіру үшін шетел асып кеткен, деп сentralasian.org жазады.
Бұл мәліметті Тәжікстан президенті Эмомали Рахмон 20 тамызда Таулы-Бадахшан автономды облысы, Ванч ауданы тұрғындарымен кездесу кезінде айтқан.
Рахмонның сөзінше, 12 содыр ұсталып, Тәжікстанға депортацияланған. Жақында сегізі сот алдында жауап береді.
«1992-2015 жылдар аралығында ауданның 96 тұрғыны шетелде діни білім алған. Олардың 92-сі елге қайтарылды. Төртеуі Египет астанасында заңсыз оқып жатыр», — деді тәжік президенті.
Эмомали Рахмон сәрсенбіде Таулы-Бадахшан автономды облысына жұмыс сапарымен барған.
2 мыңнан астам тәжікстандық «Ислам мемлекеті» террористік ұйымына кіру үшін Сирия мен Иракқа кеткен. Алдын олардың 300-ден астамы қайтыс болғаны хабарланған. Қазір олардың көбінің әрі қарайғы тағдыры белгісіз.
Сарапшылардың дені тәжікстандықтардың көбі жұмыссыздықтың, білім сапасының нашарлығы салдарынан экстремистік-террористік ұйымның құрамына кірді деп есептейді.
