НҰР-СҰЛТАН, 28 тамыз. Сирияның солтүстігіндегі Расулайн қаласындағы лаңкестік әрекет салдарынан алдын ала мәліметтер бойынша алты бейбіт тұрғын зардап шекті, деп жазады Anadolu агенттігі .
Жарылғыш зат пошта бөлімшесінің жанына қойылды.
Жарақат алғандар ауруханаға жатқызылды. Олардың үшеуінің жағдайы өте ауыр.
Жарылыс жақын орналасқан ғимараттарға зиян келтірді.
Жарылыс факті бойынша тергеу басталды.
Құқық қорғау органдары шабуылдың артында YPG/PKK тұруы мүмкін деп санайды.
Сирияның солтүстігіндегі Расулайн ауданы 2019 жылдың 12 қазанында «Бейбітшілік қайнары» операциясы аясында лаңкестерден босатылды. Қазіргі уақытта ауданды қарулы оппозиция басқарады.
