НҰР-СҰЛТАН, 01 қыркүйек. Жаңа Зеландия өткен жылдың 15 наурызында Крайстчерчтегі мешіттерге шабуыл жасаған австралиялық Брентон Таррантты террористік ұйымға теңеді. Бұл туралы елдің премьер-министрі Джасинда Ардерн хабарлады, деп  ТАСС жазады.

 «Қылмыскерді [террористік ұйым ретінде] анықтау болашақта оның терроризмді қаржыландыруға қатыспайтынына кепілдік береді. Бұл Жаңа Зеландияның терроризм мен зорлық — зомбылық  экстремизмді кез-келген түрде айыптайтының көрсетеді», — деп елдің үкіметтік сайтында жарияланған Ардерннің мәлімдемесінде баяндалған.

Жаңа Зеландия заңнамасына сәйкес, мұндай шешім террористік деп танылған ұйымның барлық активтерін дереу тоқтатуға негіз болады және оның кез-келген әрекетін қылмыстық құқық бұзушылық ретінде қарастырады.Қазіргі уақытта Жаңа Зеландия үкіметі 19 террористік ұйым мен Брентон Таррантты террористтік тізімге енгізді.

Өткен жылдың 15 наурызында Жаңа Зеландияда Крайстчерч қаласындағы мешіттерге шабуыл жасалды. Шабуылдар нәтижесінде 51 адам қаза болды, тағы 50 адам жарақат алды, ал шабуылдардың өзі террористік актілер деп танылды. Шабуылдаушы — 29 жастағы австралиялық Брентон Таррант — шабуыл қарсаңында әлеуметтік желілерде құжат жариялаған. Терроризмге қарсы күрес мамандары бұл құжатты 2011 жылдың шілдесінде жаппай террористік акт ұйымдастырған норвегиялық ұлтшыл Андерс Брейвиктің «манифестімен» салыстырған. Крайстчерчтің Жоғарғы соты 2020 жылдың 24 тамызында Тарантты мерзімінен бұрын шартты түрде босатпай өмір бойына бас бостандығынан айыру туралы үкім шығарды.