ТАРАЗ, 04 қыркүйек. Тараздық тұрғынның көлігінен 18 келі марихуана табылды, — деп Polisia.kz-Кке сілтеме жасап tengrinews.kz хабарлайды.
Портал мәліметінше, 30 тамызда полиция қызметкерлері Audi маркалы көлікті тоқтатқан. Жүргізушіден бөлек көлікте тағы үш жолаушы болған. Қасында үлкен сөмке тұрған жолаушылардың бірінің әрекеті полицейлердің назарын аударған. Тексеріс барысында сөмкеден есірткі заты табылған, ал сараптамадан кейін оның 18,7 келі марихуана екені анықталған.
Аталған дерек бойынша ҚР Қылмыстық кодексінің 106-бабының 3-бөлігі бойынша сотқа дейінгі тергеу жұмыстары басталды.
