НҰР-СҰЛТАН, 06 қыркүйек.Малиде террористік топтармен күрес операциясы кезінде сенбі күні  екі француз сарбазы қаза тапты. Бұл туралы Елисей сарайының хабарламасында айтылған, деп жазады ТАСС .

 «Республика Президенті бүгін таңертең Тесалиттегі операция кезінде екі француз сарбазының өлімі туралы жаңалықты үлкен алаңдаушылықпен білді», — делінген Франция басшысының әкімшілігі коммюникесінде. «Олар Сахелдегі терроризмге қарсы миссиясын орындау кезінде Франция үшін қайтыс болды», — делінген хабарламада.

Хабарламада көрсетілгендей Франция Президенті «олардың отбасыларына, жақындарына және қарулас бауырларына көңіл айтады».

 «Республика басшысы Сахелде орналасқан Француз сарбаздарының батылдығы мен ерлігін жоғары бағалайды», — деп атап өтті Елисей сарайында.

2014 жылдың тамызында Франция Сахель аймағының бес елінде (Мали, Буркина-Фасо, Мавритания, Нигер және Чад) исламистік топтармен күресу мақсатында «Бархан» әскери операциясын бастады. «Бархан» француз әскери күштері 2013-2014 жылдары Малиде өткізген «Сервал» операциясының жалғасы болды. Әлеуетті ведомстволардың мәліметінше, операцияға жалпы алғанда 4,5 мыңға жуық адам тартылған.