НҰР-СҰЛТАН, 11 қыркүйек.Сомали астанасы Могадишода бейсенбі күні жеті жарылыс болды. Бұл туралы Сомалидің Shabelle радиостанциясына сілтеме жасап ТАСС хабарлайды.
Куәгерлердің айтуынша, минометтен оқ атылды.
Мемлекет басшысының резиденциясы маңында бірнеше жарылыс болды. Ол жерде Сомали президенті Мохаммед Абдуллахи Мохамедтің алдағы жалпыға ортақ сайлауға байланысты елдің бірнеше аймағының басшыларымен кездесулері өтеді .
Естеріңізге сала кетейік, осыдан екі күн бұрын Сомали астанасы Могадишодағы президент сарайының жанындағы ұлттық театр аймағында жанкешті-лаңкестің шабуылынан кем дегенде үш адам қаза тауып, жетеуі жарақат алғаны туралы хабарланған болатын.
