НҰР-СҰЛТАН, 13 қыркүйек.Пәкістанның Солтүстік Вазиристан провинциясында жол бойында жарылыс болып, бір сарбаз қаза тапты, деп Пәкістан Қарулы Күштерінің баспасөз қызметіне сілтеме жасап REGNUM АА хабарлады.

Хабарламаға сәйкес, бақылау-өткізу бекетінің жанындағы жолда қолдан жасалған жарылғыш зат іске қосылды. Жарылыс салдарынан Пәкістан сарбаздарының бірі қаза тапты. Жарылыстан кейін армия бөлімшелері оқиға болған жерді қоршауға алды, сонымен қатар содырларды іздеу және жою операциясы басталды.

Әзірге жарылыс үшін бірде-бір террористік топ жауапкершілікті мойнына алған жоқ.