НҰР-СҰЛТАН, 13 қыркүйек.Қазақстан Республикасы Білім және ғылым министрі өзінің 2020 жылғы 4 қыркүйектегі бұйрығымен террористік әрекеттен зардап шеккен балаларды әлеуметтік оңалту ережелері мен шарттарын бекітті, деп хабарлайды zakon.kz .

Террористік әрекеттерден зардап шеккен балаларды әлеуметтік оңалту келесі жағдайларда жүзеге асырылады:

— заңды өкілдерінің бірі республика азаматы болып табылатын баланы шет елдердегі террористік немесе экстремистік ұйым қатысатын ұрыс аймақтарынан немесе террористік не экстремистік ұйым бақылайтын аумақтардан қайтару;

— экстремизмге немесе терроризмге байланысты қылмыстарды жасағаны үшін жазасын өтеу немесе осындай қылмыстарды жасады деген күдікпен айыптау бойынша  заңды өкілдердің бірін ұстау (қамауға алу);

— террористік немесе экстремистік әрекетті  дайындауға немесе жүзеге асыруға байланысты заңды өкілдердің бірінің қайтыс болуы.

Әлеуметтік оңалтуды жергілікті атқарушы органдарымен баланың заңды өкілдерінің бірінің соңғы тұрғылықты жері бойынша жүзеге асырады.

Жергілікті атқарушы органдар ПМПК қорытындысын алғаннан кейін 20 жұмыс күні ішінде балалардың құқықтарын қорғау саласындағы органмен келісім бойынша террористік әрекеттерден зардап шеккен баланы әлеуметтік оңалтудың жеке жоспарын құрайды.

Атап айтқанда, жоспар осындай балаларға арналған заңгерлік қызметтерді қамтиды, олар жеке консультация және жеке сәйкестендіру үшін қажетті құжаттарды алуға көмек көрсету тұрғысынан көрсетіледі.

Жоспар сонымен қатар білім беру қызметтерін ұсынады, оған мыналар кіреді:

— әлеуметтік-тәрбиелік кеңес беру;

— баланың даму деңгейін тексеру және педагогикалық диагностика;

— баланы тәрбиелеу мен оқыту процесін ұйымдастыру;

— орта білім алу және келісім бойынша қосымша білім беру.

Сонымен қатар, жоспарға әлеуметтік-тұрмыстық, психологиялық және мәдени қызметтер, соның ішінде жедел психологиялық көмек кіреді.