НҰР-СҰЛТАН, 12 қазан. Еуропалық Одақ Мозамбикке «Ислам мемлекетімен» (ҚР қызметіне тыйым салынған ұйым) байланысты содырлармен күресте қолдау көрсетеді, деп ЕО-ның Мозамбиктегі арнайы өкілі  мәлімдеді.  Бұл туралы Reuters ақпарат агенттігі сілтеме жасап REGNUM АА жазады.

Кабу-Дельгадо провинциясындағы бүлікшілердің шабуылдары 2017 жылы басталды, алайда зорлық-зомбылықтың күшеюі осы жылы көтерілісшілер стратегиялық маңызды қалаларды қысқа уақыт ішінде басып алып, әскери және басқа да стратегиялық мақсаттарға шабуыл жасаған кезде болды.

Мозамбик көтерілісшілермен күресу үшін қарулы күштерін даярлауда ЕО-тан көмек сұрады.

«Мозамбик үкіметі көмек сұрады, біз көмек көрсетеміз, бірақ бұл негізінен Мозамбиктің солтүстігінде терроризммен күресіп жатқан күштерге дайындық, логистика және медициналық қызметтер тұрғысынан көмек», — деді Еуропалық Одақтың Мапуту қаласындағы елшісі Антонио Санчес Гаспар .

«Осы уақытқа дейін біздің барлық күш-жігеріміз гуманитарлық төтенше жағдайды жоюға бағытталды. Біз қауіпсіздік саласында күш салуды жалғастырамыз », — деді ол.