НҰР-СҰЛТАН, 18  қазан. Францияның Ішкі істер министрі Жеральд Дарманен Мароккоға барып, әріптесі Абделуафи Лафтитпен келіссөздер жүргізді. Бұл туралы Le Figaro-ға сілтеме жасап REGNUM хабарлайды.

Марокконың астанасы Рабат қаласында өткен екіжақты кездесу барысында тараптар көші-қон, терроризмге қарсы күрес және Дарманен бар жігерін салып күресіп жатқан есірткінің заңсыз айналымы мәселелерін талқылады.

«Біз ұлттық қауіпсіздік пен терроризмге қарсы күреске қатысты көптеген мәселелерді талқылай алдық», — деді француз министрі.

Саясаткер сондай-ақ екі елдің есірткі саудасымен күрес жөнінде келісім жасасуға ниетті екенін атап өтті. Естеріңізге сала кетейік, қазіргі уақытта Марокко жыл сайын Еуропаға 23 миллиард долларды құрайтын 700 тоннаға жуық психотроптық заттарды жеткізеді.