НҰР-СҰЛТАН, 23  қазан. Дамаск мүфтиі Аднан Афиони Сирия астанасында теракт кезінде қаза тапты,  деп  SANA агенттігіне сілтеме жасай отырып zakon.kz хабарлайды.

Жарылыс Дамасктың батыс шетінде болды.

Алдын ала мәлімет бойынша, қолдан жасалған жарылғыш зат мүфтийдің Кудсия кварталындағы Аль-Сахара мешітінің алдында тұрған автокөлігінде іске қосылды.

Аднан Афиони Сириядағы ең беделді діни қайраткерлердің бірі болып саналды.

Әзірге ешбір топ жарылыс үшін жауапкершілікті өз мойнына алған жоқ.