НҰР-СҰЛТАН, 04 қараша. Оңтүстік округтік әскери сот Ресейде тыйым салынған «Хизб-ут-Тахрир аль-Ислами» халықаралық террористік ұйымының Қырым Республикасының Красногвардейский ауданынан үш мүшесін 12 жылдан 17 жылға дейінгі мерзімге бас бостандығынан айыруға үкім шығарды. Бұл туралы соттың баспасөз қызметіне сілтеме жасап ТАСС хабарлады.

Сот 2017 жылдың қараша айында Қырым тұрғыны Рүстем Эмирусеинов республиканың Красногвардей ауданы аумағында «Хизб-ут-Тахрир аль-Ислами» ұйымының (Қазақстан Республикасында тыйым салынған ұйым) құрылымдық бөлімшесінің қызметін ұйымдастырғанын анықтады. Оның құрамына Арсен Абхаиров пен Эскендер Абдулганиев кірді. Ұяшық мүшелері жергілікті тұрғындарды террористік ұйымның қызметіне қатысуға үгіттей отырып, халық арасында насихат жұмыстарын жүргізді. Олар үгіт-насихат материалдары бар электронды деректер мен әдебиеттерді үйлерінде сақтаған.

 «Сотталушылар кінәлі деп танылды, Р.Р. Эмирусеинов 17 жылға бас бостандығынан айырылды, жазасының алғашқы екі жылын түрмеде, кейін қатаң режимдегі түзеу колониясында өтейді; Е.И. Абдулганиев — 12 жылға бас бостандығынан айырылды, жазасының алғашқы екі жылын түрмеде, кейін қатаң режимдегі  колонияда өтейді; А.Р. Абхаиров — 13 жылға бас бостандығынан айырылды, жазасының алғашқы екі жылын түрмеде, кейін қатаң режимдегі түзеу колониясында өтейді», — деді сот өкілі.

Сотталушылар өз кінәларын мойындамады. Үкім заңды күшіне енген жоқ және оған шағым жасалуы мүмкін, деп атап өтті баспасөз қызметі.

2019 жылдың ақпан айында ФҚҚ қызметкерлері Ресейде тыйым салынған ұйымға қатысқан деген күдікпен Красногвардей ауданы, Октябрьский ауыл тұрғындарында тінту жүргізді. Құқық қорғау органдары экстремистік бағыттағы әдебиеттерді, сондай-ақ компьютерлік жабдықтар мен байланыс құралдарын тәркіледі. Күдіктілерге қатысты Ресей Федерациясының Қылмыстық кодексінің 205.5 бабының 1-бөлігі, 2-бөлігі, («террористік ұйымның қызметін ұйымдастыру және оған қатысу») бойынша қылмыстық іс қозғалды.