НҰР-СҰЛТАН, 07 желтоқсан. Хабаровск қаласындағы бірінші Шығыс округтік әскери соты Ресейде тыйым салынған «Хайят Тахрир аш-Шам» террористік ұйымының екі жақтасына 8 және 9 жылға бас бостандығынан айыру туралы үкім шығарды, деп Хабаровск аумағы бойынша ФҚҚБ баспасөз қызметіне сілтеме жасап ТАСС хабарлайды.
«С.В. Нуруддин мен Д. Р. Велитов радикалды ислам идеяларынан шабыт алып, жоғарыда аталған террористік ұйымның қызметіне оны қаржыландыру арқылы қатысты.Сонымен қатар, С. В. Нуруддин 2020 жылдың наурыз айында Еуропалық Одақ аумағында орналасқан «Хайят Тахрир аш-Шам» жалдаушының нұсқауы бойынша Шенген визасын алып, одан әрі Сирия Араб Республикасына барып және сол жерде террористік ұйымның қызметіне қатысу үшін Францияға әуе билетін сатып алды», — делінген хабарламада.
Нуруддин Амурдағы Комсомольск қаласында шетелге шығуға әрекеттенген жерінде ұсталды. Велитов Қазан қаласында ұсталып, Хабаровскіге жеткізілді.
Екеуі де тағайындалған мерзімінің алғашқы екі жылын түрмеде өткізеді, кейін жазаларын қатаң режимдегі колонияда өтейді.
