НҰР-СҰЛТАН, 22 желтоқсан. Қырымда терроризм идеяларын таратады деп күдіктенген жас Красноярск қаласының тұрғыны қамауға алынды, деп жазады NewsLab.ru.

Облыстық тергеу комитетінің тергеу басқармасында түсіндірілгендей, Ресей ФҚҚ аймақтық департаментінің материалдары негізінде 26 жастағы ер адамға қарсы Ресей Федерациясының Қылмыстық кодексінің 205.2 бабының 2 бөлімі (терроризмге жария түрде шақыру) және 205.1 бабының 1.1. бөлімі (террористік қызметке жәрдемдесу)  бойынша қылмыстық іс қозғалды.

Тергеудің алдын-ала нұсқасы бойынша, ер адам әлеуметтік желілердің бірінде өзінің жеке парақшасында террористік әрекеттерді жүзеге асыруға шақырған мәтіндер мен суреттерді, сондай-ақ оларға түсініктемелер жариялаған.

 «Сондай-ақ, 2020 жылдың қазан айында айыпталушы өзінің танысына хабарламалар жіберіп, оны Ресей Федерациясының аумағында тыйым салынған «Ислам мемлекеті» * террористік ұйымының қызметіне қатысуға көндірген», — деп хабарлады тергеу басқармасы.

Сот шешімі бойынша жас жігіт қамауда отыр. Қылмыстық істі тергеу жалғасуда.

* ҚР-да тыйым салынған ұйым