НҰР-СҰЛТАН, 28 желтоқсан. Карелия Республикасы бойынша Ресейдің ФҚҚ-нің басқармасы террористік іс-әрекетке қатысты деген күдікке ілінген өзбекстандыққа қатысты қылмыстық іс қозғады, деп ақпарат агенттігі мекеменің баспасөз қызметіне сілтеме жасап «Республика» АА хабарлайды.

Ұсталған адам «ИМ» халықаралық террористік ұйымын (Қазақстан Республикасында тыйым салынған ұйымды) қаржыландырды деп айыпталуда.

Сот ер адамды қамауға алды. Қазір тергеу амалдары жүргізіліп жатыр.

Ресей заңнамасына сәйкес, егер оның кінәсі дәлелденсе, ол сегіз жылдан он бес жылға дейін бас бостандығынан айырылуы немесе өмір бойына түрмеге жабылуы мүмкін.