НҰР-СҰЛТАН, 03 қаңтар.  Қырғызстанда әскери бөлімдердің бірінде лаңкестік шабуылдың алды алды, деп Ұлттық қауіпсіздік мемлекеттік комитетінің баспасөз қызметіне сілтеме жасап SPUTNIK Қыргызстан хабарлайды.

Мемлекеттік комитет көрші елдердің бірінің арнайы қызметтерімен бірлесіп жұмыс істегені атап өтіледі. Ош облысында 1998 жылы туған Қырғызстан азаматы ұсталды.

 «Ұсталған адам халықаралық террористік ұйымның мүшесі екендігі және басшылардың тапсырмасы бойынша облыстың әскери бөлімдерінің бірінде лаңкестік шабуыл жасау үшін қолдан жасалған жарылғыш құрылғы жасау керек екендігі анықталды», — деп хабарлады Ұлттық қауіпсіздік комитеті.

Ұсталған адамның тұрғылықты жерін тінту кезінде камуфляж формасының жиынтығын, жилет, әскери аяқ киім, бинокль, жиналмалы пышақ пен шет тіліндегі парақшаларды тапты.

Ұсталған адам Ұлттық қауіпсіздік жөніндегі мемлекеттік комитетінің Ош қаласы және Ош облысы бойынша уақытша ұстау изоляторына қамалды.

Естеріңізге сала кетейік, 28 желтоқсанда Қырғызстанда лаңкестік шабуылдарды жасау үшін елге заңсыз келген ТМД елдерінің бірінің екі азаматы ұсталғаны туралы белгілі болды .

Ұсталғандар М.А. және Р. Ж. аса ауыр қылмыс жасағаны үшін қамау орындарынан қашып кеткеннен  кейін Қырғызстан Республикасының аумағында жасырынған.

Сотқа дейінгі іс жүргізу материалдары шеңберінде ұсталғандар Жалал-Абад Қалалық ішкі істер бөлімінің уақытша ұстау изоляторына қамалған.