НҰР-СҰЛТАН, 04 қаңтар. Жарылыс әскери бақылау бекетінің жанында болды, деп Анадолу агенттігі хабарлайды.

3 қаңтарда Сомалидегі болған лаңкестік шабуылдың құрбаны үш адам болды.

SONNA агенттігінің хабарлауынша, жарылыс Төменгі Шабелле провинциясының Балджад аймағындағы әскери бақылау бекетінің жанында болған.

Құрбан болғандардың екеуі — бейбіт тұрғындар.

Лаңкестік шабуыл нәтижесінде сегіз адам жараланды, оның ішінде алты сарбаз.

Сомали билігі бұл хабарламаларға түсініктеме берген жоқ.

Әзірге ешбір топ жарылыс үшін жауапкершілікті өз мойнына алған жоқ.

«Аш-Шабаб» лаңкестік ұйымы Сомалиде қауіпсіздік күштері мен елді мекендерге жиі шабуыл жасайды.