НҰР-СҰЛТАН, 06 қаңтар. Нью-Йорк әуежайының бірнеше диспетчері Капитолий ғимаратына ұшақ бағыттап, ирандық генерал Қасем Солеймани үшін кек аламыз деген аудио хабарламалар естігендерін айтты, деп CBS News-ке сілтеме жасап zakon.kz хабарлайды.
Хабарламада: «Сәрсенбі күні біз Капитолийге ұшақ бағыттап, соғыламыз. Солеймани үшін кек алынады» , — делінген.
Қазіргі уақытта бұл хабарламаны кім жібергені белгісіз.
«Үкімет қауіпті орынды деп санамаса да, бұл жайт авиациялық жиіліктер ережелерін бұзу ретінде тергелуде», — делінген телеарна материалда.
Иран Ислам Революциясы Сақшылар корпусының генералы Қасем Солеймани 3 қаңтарда Бағдад әуежайы маңында АҚШ президенті Дональд Трамптың бұйрығы бойынша АҚШ әскери-әуе күштерінің зымыран соққысы кезінде қаза тапты.
