НҰР-СҰЛТАН, 16 қаңтар. Конго Демократиялық Республикасының солтүстік-шығысында Итури провинциясында Уганданың үкіметке қарсы тобы «Демократиялық күштер альянсы» содырларының шабуылы салдарынан кем дегенде 46 бейбіт тұрғын, соның ішінде пигмийлер қаза тапты. Бұл туралы аймақтық Ішкі істер министрлігіне сілтеме жасап Синьхуа агенттігі хабарлады.
Министрліктің хабарламасында, содырлар бейсенбіге қараған түні ауылға шабуылдады. Шабуыл болған жерде 46 бейбіт тұрғынның мәйіті табылды.
Итури провинциясы билігі «Демократиялық күштер альянсын» айыптады.
