НҰР-СҰЛТАН, 25 қаңтар.  Малидегі екі әскери базаға жасалған лаңкестік шабуылдардың салдарынан  алты сарбаз қаза тауып, 40 лаңкес өлтірілді, деп Қарулы Күштердегі ақпарат көздеріне сілтеме жасап Анадолу агенттігі хабарлайды.

Африка мемлекетінің қорғаныс министрлігінің хабарлауынша, қарулы лаңкестер топтары Боулкесси және Мондоро әскери базаларына бірдей уақытта шабуыл жасаған.

Боулкесси базасында төрт сарбаз, Мондороде екі солдат қаза тапты.

2020 жылдың наурыз айында Мондоро базасында болған шабуыл бес сарбаздың өмірін қиды.

2018 жылы лаңкестер осы екі базаға шабуылдап, 40 сарбазды өлтірді.