НҰР-СҰЛТАН, 27 қаңтар. Тәжікстан үкіметі Ауғанстанмен мемлекеттік шекараны нығайтуға басым назар аударады. Бұл туралы 26 қаңтарда республика президенті Эмомали Рахмон Парламентке жолдауында мәлімдеді, деп REGNUM АА жазады.
Мемлекет басшысы лаңкестік топтар Тәжікстанға қауіп төндіретінін атап өтті. Экстремистер жастарды өз қатарларына тарту үшін интернетті белсенді пайдаланады.
«Олардың басты мақсаты — еліміздегі бейбітшілік пен тұрақтылықты бұзу», — деді Рахмон. Ол тәжік жастары саналы және лаңкестердің арандатушылық әрекеттеріне мойынсұнбайтынын айтты.
Тәжікстан президенті есірткі, қару-жарақ пен экстремистік әдебиеттің айналымына бақылауды күшейтуді бұйырды. Республика 2021-2025 жылдары терроризмге қарсы іс-қимылдың ұлттық стратегиясын әзірлейтін болады.
