НҰР-СҰЛТАН, 06 ақпан. Тәжікстан президенті жанындағы есірткіні бақылау агенттігінің қызметкерлері 2020 жылы 40 қылмыстық топтың, оның ішінде трансұлттық топтардың қызметін тоқтатты, деп Агенттік директоры Хабибулло Вохидзодаға сілтеме жасап Sputnik Тәжікстан жазады.

 «2020 жылы  есірткіні бақылау агенттігінің қызметкерлері 87 адамнан тұратын 40 қылмыстық топты анықтап,  олардың жұмысын тоқтатты», — деді Вохидзода.

Сондай-ақ, оның айтуынша, жеті адамнан тұратын үш ұйымдасқан қылмыстық топ жойылды.

Ол осы салада басқа елдермен, атап айтқанда, Ауғанстанмен, Пәкістанмен және АҚШ-пен ынтымақтастық ойдағыдай дамып келе жатқанына қанағаттанушылық білдірді.

«Бірлескен арнайы операция нәтижесінде трансұлттық ұйымдасқан қылмыстық топтың 34 мүшесі ұсталды, оның ішінде 16 адам Ауғанстанда және 18 АҚШ-та болды, олардан 1965 кг есірткі және психотроптық заттар, бір пулемет, үш автокөлік және 165 мың доллар тәркіленді », — деп қосты Вохидзода.

Оның айтуынша, бұл топқа Нигерия мен басқа африкалық елдердің  азаматтары да кірген.

Есірткіге қарсы күрес агенттігінің бастығы 2020 жылы республикада барлық күш құрылымдары мен құқық қорғау органдары 2425 келі есірткі тәркіледі, бұл 2019 жылмен салыстырғанда 788 келіге артық деді.

Есірткіге қарсы күрес агенттігінің бастығы елдің осы саладағы тағы бір маңызды жетістігі Тәжікстан азаматтарын есірткі бизнесімен және олардан есірткі заттарын тәркілеумен байланысты қылмыстар үшін ұстауды азайту деп атады.