НҰР-СҰЛТАН, 10 ақпан.Красноярскіде есірткі полициясы арнайы жасақтың қолдауымен айналымнан есірткінің ірі партиясын — 3,5 кг-нан астам героин тәркіледі. Бұл туралы 10 ақпанда Ресей ішкі істер министрлігінің Красноярс өлкесі бойынша Бас басқармасының баспасөз қызметіне сілтеме жасап  REGNUM АА  хабарлады.

Полиция жалдамалы пәтерлерде тұратын және «героинді бетбелгілер арқылы жанаспай сатқан» этникалық қылмыстық топтың мүшелерін — екі адамды (Красноярск қаласының тұрғыны және Тәжікстанның тумасы) анықтай алды .

«Гром» арнайы мақсаттағы жасағының күштік қолдауымен есірткі айналымын бақылау басқармасының қызметкерлері жүргізген арнайы операция барысында күдіктілер ұсталды.

 «Қаскүнемдердің пәтерлерін тінту кезінде полицейлер сары түсті затты, электрондық таразыны, көптеген ұялы телефондарды тауып алып, тәркіледі. Жүргізілген сараптама этникалық ұйымдасқан топтың қатысушыларынан алынған заттардың салмағы 3,5 кг — нан асатын героин екенін көрсетті. Алдын-ала бағалау бойынша оның қара нарықтағы құны 10 миллион рубльден асуы мүмкін», — делінген мекеме хабарламасында.

Қазіргі уақытта ұйымдасқан топтың басқа да қатысушылары мен өңір аумағына есірткі жеткізу арнасы орнатылуда.

Ұсталғандарға қатысты Ресей Федерациясының Қылмыстық кодексінің 30-бабы 3-бөлігі және 228.1-бабы 5-бөлігі («Есірткі заттарын аса ірі мөлшерде өткізуге оқталу) бойынша қылмыстық іс қозғалды.Олар өмір бойына бас бостандығынан айыру түрінде жазалануы мүмкін.