НҰР-СҰЛТАН, 11 ақпан.Нигерияның солтүстік-шығысында «Боко Харам» террористік ұйымының 19 содыры залалсыздандырылды.Бұл туралы жергілікті БАҚ-қа жасырын болғысы келген армия өкілі хабарлады, деп Анадолу агенттігі жазады.
Оның айтуынша, Ранн қаласында (Борно штаты) «Боко Харам» содырлары мен әскерилер арасында қақтығыс болды.
Армия өкілі операция кезінде бір әскеридің жараланғанын айтты. Террористердің бес соғыс көлігі мен оқ-дәрілердің едәуір бөлігі алынды.
«Боко Харам» Нигерияда 2000-шы жылдардың басынан бастап әрекет етеді. 2009 жылдан бастап елде 20 мыңнан астам адам осы қылмыстық ұйымның құрбаны болды.
Бұл топ Камерун, Чад және Нигерде де әрекет етеді. Чад көлі аймағындағы қақтығыстарда кем дегенде 2 мың адам террористердің құрбаны болды.
Елдегі террористік актілер мен қақтығыстардың салдарынан жүз мыңдаған адамдар үйлерін тастап кетуге мәжбүр болды.
