НҰР-СҰЛТАН, 12 ақпан. БҰҰ Терроризммен күрес бөлімінің директоры Владимир Воронков ДАИШ террорлық ұйымының халықаралық бейбітшілік пен қауіпсіздікке байланысты есебін БҰҰ Қауіпсіздік кеңесіне ұсынды, деп TRT жазады. 

Ол ДАИШ террорлық ұйымының 2020 жылдың екінші жартысында қайтадан жинақталу және істерін жандандыру ынталарын жылдамдатқанына назар аударды. Воронков халықаралық бейбітшілік үшін ДАИШ қаупінің артқанын айтып,  ескерту жасады.
Ол террорлық ұйымның Ирак және Сирияда коронавирус эпидемиясынан туындаған дүрбелеңді пайдаланғанын білдірді. Ұйымның 2021 жылы әлемнің түрлі жерлерінде шабуыл жасау әлеуетін қайта табуы мүмкін екенін ескертті.
Воронков Сирия мен Иракта әлі 10 мың шақты сарбаз бар екенін атап көрсетті.