НҰР-СҰЛТАН, 17 ақпан. Тәжікстан үкіметі Сириядағы босқындар лагеріндегі азаматтарын елге қайтаруды жоспарлап отыр, деп хабарлайды Sputnik Тәжікстан.

Бұл туралы Тәжікстан сыртқы істер министрі Сироджиддин Мухриддин Душанбеде өткен баспасөз конференциясында мәлімдеді.

Отанына қайтарылуы тиіс азаматтардың тізімі 260 адамнан тұрады.

Министрдің айтуынша, бүгінде Тәжікстан азаматтары күрд құрамалары бақылайтын аумақта орналасқан «Ал-Хавз» және «Ар-Равз» лагерлерінде орналасқан.

Сирожиддин Мухриддин бұған дейін сириялық лагерлерден тәжіктерді қайтару мәселесі ресми Дамаскпен және халықаралық ұйымдармен талқыланғанын атап өтті.

«Қайтару мәселесі пандемияға байланысты эпидемиологиялық жағдай мен осы лагерьлер орналасқан аумақтағы қауіпсіздікке байланысты», — деді министр.

Сонымен бірге ол азаматтардың көпшілігі әйелдер мен балалар екенін атап өтті. Олардың кейбіреулері өз отанына оралуға дайын, бірақ көбісі мұны қаламайды.

Еске сала кетсек, БҰҰ сарапшылары 57 елге, оның ішінде Тәжікстанға, Ресейге, Өзбекстанға және Қырғызстанға үндеу жариялап, онда Сириядан босқындарды қайтаруға шақырған.

Сарапшылар қазіргі уақытта Сирия лагерлерінде 64 мыңнан астам адам бар деп атап кеткен.