НҰР-СҰЛТАН, 17 ақпан. ФҚҚ Татарстан мен Қырымда қайырымдылық көмек атын жамылып, содырларға қаражат жинап жүрген Ресей Федерациясында тыйым салынған «Ислам мемлекеті» (ИМ) халықаралық террористік ұйымының қаржыгерлер тобын ұстады. Бұл туралы ФҚҚ-нің Қоғаммен байланыс орталығына сілтеме жасап ТАСС хабарлайды .

 «ФҚҚ Қаржылық мониторинг жөніндегі федералды қызметпен  бірлесе отырып, Қырым және Татарстан Республикаларында Ресей Федерациясының аумағында тыйым салынған «Ислам мемлекеті» * халықаралық террористік ұйымын қаржыландыруды ұйымдастыруға қатысқан Ресей азаматтарының іс-әрекеттерін тоқтатты», — деп хабарлады қоғаммен байланыс орталығы.

 «Өткізілген іс-шаралар барысында 2015 жылдан 2019 жылға дейін Интернетте қайырымдылық көмек атын жамылған қоғамдастықтар арқылы содырлардың қажеттіліктеріне шетелге аудару үшін қаражат жинаған адамдар тобы ұсталды», — деп атап өтті ФҚҚ.

Тінту кезінде ұсталғандардан байланыс құралдары, компьютерлік техника және магнитті сақтау құралдары тәркіленді. ФҚҚБ тергеушілері Ресей Федерациясының Қылмыстық кодексінің 205.1 бабының 1.1 және 4-бөлімдері («Террористік қызметке жәрдемдесу»)  бойынша қылмыстық істер қозғады. Жедел іздестіру мен тергеу әрекеттері жалғасуда, деп атап өтті қоғаммен байланыс орталығы.

* ҚР-да тыйым салынған ұйым