НҰР-СҰЛТАН, 18 ақпан. Ауғанстанда «Талибан» содырларының қарулы шабуылы салдарынан 9 адам, оның ішінде бейбіт тұрғындар қаза болды, деп Анадолу агенттігі хабарлайды.
Оқиға Дайкунди провинциясының Пату ауданында болды.
Провинция губернаторы Мухаммед Зия Хамдардтың айтуынша, қарулы содырлар Испармаи ауылына шабуыл жасаған.
Шабуыл салдарынан сегіз бейбіт тұрғын және қауіпсіздік күштерінің бір қызметкері қаза тапты. 10 адам жарақат алды, олардың көпшілігі бейбіт тұрғындар.
Ауылға қосымша күштер жіберіліп, содырлар шегінуге мәжбүр болды, дейді Хамдард.
«Талибан» қозғалысы бұл оқиғаға қатысты әлі түсініктеме берген жоқ.
