НҰР-СҰЛТАН, 19 ақпан. Париждегі арнайы қазылар алқасы сәрсенбі күні үш жиһадшыға қатысты сот үкімін жариялап, оларды террористік топ құрғаны үшін 22 жылдан 30 жылға дейін бас бостандықтарынан айырды. Бұл туралы Agence France Presse-ке сілтеме жасап ТАСС жазады .

Соттан алынған ақпаратқа сәйкес, терроризм істері жөніндегі прокуратура  20 жылдан  30 жылға дейінгі жазаны талап еткен.

Үшеуі де 2016 жылдың желтоқсанында Парижде лаңкестік әрекет дайындағаны үшін кінәлі деп танылды. Тергеу мәліметтері бойынша, айыпталушылардың екеуі — Ясин Бусерия мен Хишам Макран — 2015 жылдың ақпан-наурызында Страсбургте «Ислам мемлекеті» лаңкестік ұйымына (Қазақстанда тыйым салынған ИМ) қосылған жасырын топ құрды.

Үшінші сотталушы, марокколық Хишам әл-Ханафи, тергеу мәліметтері бойынша, ИМ лаңкестік топтарына еріктілерді тартумен айналысқан. Ол сондай-ақ Париждегі лаңкестік шабуылда жанкешті ретінде қатысуды көздеген, бірақ 2016 жылдың қарашасында Марсельде полициямен ұсталған.

Сот отырысында үшеуі де «өкінетіндерін» және исламшыл содырларға қосылып «қателескендерін» айтты. Сот олардың мұндай  мәлімдемелерін ескермеді.