НҰР-СҰЛТАН, 25 ақпан. Мысыр  президенті Абдель Фаттах әс-Сиси мен АҚШ орталық қолбасшылығының басшысы Кеннет Маккензи дүйсенбі күні  әскери істер, қауіпсіздік және терроризммен күрес салаларындағы ынтымақтастықты нығайту жолдарын талқылады. Бұл туралы Синьхуа агенттігі жазады .

Каирдегі кездесу барысында А.Ф. ас-Сиси мен К.Маккензи бірлескен әскери дайындық бағдарламаларын және тәжірибе алмасуды талқылады, деп мәлімдеді президенттің баспасөз хатшысы Бассам Ради.

Олар бірқатар аймақтық проблемалардың, әсіресе Орта Шығыста, Африка мүйізінде және Шығыс Жерорта теңізінде болып жатқан оқиғалар туралы пікір алмасты.

Баспасөз хатшысы сұхбаттасушылар екі ел арасында ортақ мүдделер бойынша тұрақты консультациялар мен үйлестіруді жалғастыруға келісті деп мәлімдеді.

Б.Радидің айтуынша, К.Маккензи өз кезегінде Мысырмен  аймақтық мәселелер бойынша үйлестіруді және бірлескен консультацияларды жалғастыруға дайын екенін растады. Ол сонымен бірге Мысырдың аймақтағы бейбітшілік пен тұрақтылықты сақтаудағы маңызды рөлін жоғары бағалады, оның терроризм мен экстремистік идеологияға қарсы күрестегі тиімді әрекеттерін бағалады.