НҰР-СҰЛТАН, 01 наурыз. Индонезия мен Түркия ұлттық полицияның әлеуетін, әсіресе білім беру бағдарламалары арқылы нығайтуға келісті, деп Antara агенттігіне сілтеме жасап REGNUM АА хабарлады.
Индонезияның Анкарадағы елшілігінің жазбаша мәлімдемесіне сәйкес, келісім Индонезия мен Түркия ұлттық полициясы өкілдерінің қатысуымен бірлескен жұмыс тобының отырысында жасалды.
Тараптар сондай-ақ терроризм, адам саудасы, есірткі контрабандасы және киберқылмыс сияқты түрлі трансұлттық қылмыстармен күрес туралы ақпарат алмасты.
Индонезия Түркияға екі елдің полиция қызметкерлерін оқыту және даярлау туралы техникалық келісім жобасын ұсынды. Бұл бағдарламаға қызметкерлермен, нұсқаушылармен және сарапшылармен алмасу, сондай-ақ білім мен тәжірибе алмасу кіреді.
Өзара түсіністік туралы меморандумға Түркия президенті Реджеп Тайип Эрдоғанның 2021 жылға жоспарланған Джакартаға сапары кезінде қол қойылады деп күтілуде .
Естеріңізге сала кетейік, Индонезия полиция күштері мен Түркия ұлттық полициясы арасындағы ынтымақтастық 2017 жылы басталды. Ішкі істер министрлігі аясында тараптар өздерінің полиция қызметкерлерін Индонезияның Анкарадағы және Джакартадағы Түркия елшілігінде орналастыруды бастады. 2020 жыл ішінде кем дегенде үш бірлескен оқу іс-шаралары өткізілді.
