НҰР-СҰЛТАН, 19 наурыз.  Экстремистік материалдардың мамандандырылған ақпараттық деректер банкін құру жұмыс тиімділігін арттырады, деп Мемлекеттік Дума қауіпсіздік комитетінің басшысы Василий Пискаревтің («Единая Россия») мәлімдемесіне сілтеме жасап REGNUM тілшісі  хабарлайды.

Жақында Ресей Федерациясының  үкіметі Мемлекеттік Думаға экстремистік материалдардың мамандандырылған ақпараттық деректер банкін құру туралы заң жобасын ұсынды. Әділет министрлігі тиісті өкілеттіктерге ие жүйелік оператор болады.Заң күшіне енгенге дейін экстремистік материалдардың ақпараттық банкін құру жөніндегі барлық қажетті іс-шараларды жүргізуге бір жыл бөлінеді.

 «Ресейдің Әділет министрлігінің сайтында орналастырылған экстремистік материалдардың федералды тізімінен айырмашылығы, бұл қол жетімділігі шектеулі мемлекеттік ақпараттық жүйе болады», — деп түсіндірді Пискарев.

Ол мәліметтер банкі «жедел-іздестіру шаралары мен тергеу әрекеттерін жүргізу кезінде де, экстремизм мен терроризмге қарсы іс-қимылдың алдын алу шараларын дайындауда да жұмыс тиімділігін арттыруға көмектеседі » деп сенімді .