НҰР-СҰЛТАН, 21 наурыз. Шабуыл Монагас штатындағы Эль-Техеро қаласында орналасқан PDVSA Венесуэла мемлекеттік мұнай-газ компаниясының газ зауытының аумағында болды. Бұл туралы Венесуэланың өнеркәсіп және ұлттық өндіріс министрі Тарек эль-Айссами телефон арқылы Venezolana de Televisión телеарнасына хабарлады, деп хабарлайды ТАСС.
«Біз ұлттық және халықаралық қауымдастыққа біздің негізгі мұнай компаниясына қарсы жасалған жаңа лаңкестік шабуыл туралы хабарлағымыз келеді,бұл жерде мен PDVSA туралы айтып отырмын», — деді министр.
Оның айтуынша, Эль-Техеро қаласындағы газ құбырының бір бөлігінде болған теракт газ толтыру зауыты қызметін атқаратын операциялық орталыққа әсер еткен.
Шенеунік қаза тапқандар мен жарақат алғандар туралы әзірге хабарланбағанын атап өтті.
Шабуыл жасалған инфрақұрылымды қалпына келтіру үшін оқиға орнына жөндеу топтары жұмылдырылды.
