НҰР-СҰЛТАН, 25 наурыз.  Нигерияның солтүстік-шығысында «Боко Харам» террористік ұйымының 57 содыры залалсыздандырылды, деп Анадолу агенттігі хабарлайды.

Өзінің жасырын болып қалуын қалаған әскери шенеуніктің хабарлауынша, терроризмге қарсы операциялар Борно штатының Дамбоа және Гвоза аудандарында өткізілген.

Оның айтуынша, көптеген содырлар жараланды, олар қашып үлгерген.

«Боко Харам» Нигерияда 2000-шы жылдардың басынан бастап әрекет етеді.

2009 жылдан бері 20 мыңнан астам адам террористік ұйымның құрбаны болды.

«Боко Харам» 2015 жылдан бері Камерун, Чад және Нигерге шабуылдар жасап келеді. Чад көлі аймағында кем дегенде екі мың адам террористердің құрбаны болды.

Елдегі қақтығыстар мен террористік шабуылдар жүз мыңдаған адамдарды үйлерін тастап кетуге мәжбүр етті.