НҰР-СҰЛТАН, 24 сәуір. АҚШ қорғаныс министрі Ллойд Остин Ауғанстандағы американдық әскерлерді осы елден шығару кезінде олардың қорғанысын күшейту туралы шешімді мақұлдады. Бұл туралы Пентагонның баспасөз хатшысы Джон Кирбидің брифингте жасаған мәлімдемесіне сілтеме жасай отырып Deutsche Welle хабарлайды .

Американдық контингентті қорғау шараларының ішінде ол  аймақта алысқа ұшатын бомбалаушы авиацияны орналастыруды атады.Сонымен қатар, Таяу Шығыс, Орталық Азия және Оңтүстік Азияның кейбір аймақтарын кіретін АҚШ Қарулы Күштерінің Орталық қолбасшылығының жедел жауапкершілік аймағында АҚШ Әскери-теңіз күштерінің «Дуайт Эйзенхауэр» атом авиатасымалдағышы қалуы керек.

Кирби Пентагонның, әскерлерді шығару кезіндегі «Талибан» қозғалысы қарсы әрекетіне тұра алатын сценарийді есептегеніне назар аударды. Ол Ауғанстаннан эвакуациялау кезінде әскерлерді қорғау жоғары деңгейде болады деп уәде берді.

Американдықтар Ауғанстанда орналасқан қару-жарақ пен әскери техниканың бір бөлігін Кабулдағы билікке беруді, тағы бір бөлігін өзімен бірге алып кетуді, үшіншісін — жоюды жоспарлап отыр. Мүмкін, кейбір қару-жарақтар аймаққа орналастырылатын шығар, деді баспасөз хатшысы.

Байден әскерді шығару мерзімін кейінге қалдырды

АҚШ әскері  Ауғанстан аумағында 2001 жылдан бастап орналастырылған. 10 жылдан кейін оның біртіндеп қысқаруы басталды, ал 2014 жылы АҚШ негізгі әскери күштерін елден шығарды.

2020 жылдың ақпан айының соңында АҚШ пен «Талибан» қозғалысы (Қазақстанда тыйым салынған ұйым) бейбіт келісімге қол қойды. Онда АҚШ пен НАТО әскерлерінің Ауғанстаннан 14 ай ішінде толық шығарылуы қарастырылған.

Алайда, 2021 жылдың 14 сәуірінде АҚШ президенті Джо Байден әскерлерді шығаруды кейінге қалдырғанын мәлімдеді. Оның аяқталуы 1 мамырда емес, 11 қыркүйекте жоспарланған. Мерзімнің өзгеруі, АҚШ-ты келсімдерді бұзды деп айыптаған  Талибан басшылығының (ҚР-да тыйым салынған ұйым) күрт наразылығын тудырды.