НҰР-СҰЛТАН, 25 сәуір. Новосібір және Кемерово облыстарында «Хизб-ут-Тахрир»* ұяшығы жойылды, деп ФҚҚ Қоғаммен байланыс орталығына сілтеме жасап РИА Новости хабарлайды.
«Ресей Федерациясының ФҚҚ Кемерово облысында — Кузбасста және Новосібір облысында Ресей Федерациясы Ұлттық ұлан әскерлерінің Федералды қызметімен бірлесіп,«Хизб-ут-Тахрир аль- Ислами» халықаралық террористік ұйымының ұяшығының қызметіне жол берілмеді», — делінген хабарламада.
Қауіпсіздік қызметкерлерінің ақпараты бойынша, ұяшық мүшелері «дүниежүзілік халифат» деп аталатын, зайырлы қоғам институттарын бұзу және қолданыстағы билікті күшпен құлатуға бағытталған доктринаға негізделген конституцияға қарсы іс-қимылдар жүргізген.Олар жасырын жиналыстарында террористік идеологияны таратып, жергілікті мұсылмандарды өз қатарына тартқаны атап өтіледі.
Ұсталған адамдардың тұрғылықты жерлерінде Ресейде тыйым салынған топтың үгіт-насихат материалдары, байланыс құралдары және электронды ақпарат құралдары табылды және алынды. Қауіпсіздік органдарының тергеу бөлімдері қылмыстық іс қозғады.
* Қазақстан Республикасында тыйым салынған ұйым
