НҰР-СҰЛТАН, 20 мамыр. Белгісіз қарулы адамдар Нигерияның солтүстік-батысындағы Кадуна штатында сегіз жергілікті тұрғынды өлтіріп, бірнеше ғимаратты қиратты. Бұл туралы Синьхуа агенттігі облыстың ішкі қауіпсіздік және ішкі істер комиссары Самюэль Аруванға сілтеме жасап хабарлады.
Оның айтуынша, қауіпсіздік органдары соңғы есептерінде сейсенбі күні қарулы адамдар Кадуна штатының Чикун ауданындағы ауылға шабуыл жасағанын растады.
С.Аруван содырлар сегіз бейбіт тұрғынды өлтіргенін айтты. Қылмыскерлер бірнеше ғимаратты, соның ішінде намаз оқу орталығын қиратты, деп қосты ол.
