НҰР-СҰЛТАН, 30 мамыр.   Қорған қаласында жергілікті тұрғынға қатысты экстремистік әрекеттерді жүзеге асыруға жария түрде шақырғаны үшін қылмыстық іс қозғалды. Бұл туралы Курган облысы бойынша Ресей ФҚҚБ баспасөз қызметіне сілтеме жасап REGNUM АА хабарлады.

Ведомствоның мәліметінше, 45 жастағы айыпталушы әлеуметтік желілердегі парақшаларында мемлекеттік билік органдарының өкілдеріне қатысты зорлық — зомбылық туралы экстремистік материалдарды, ал пікірлерінде экстремистік шақыруларды жариялаған.

Тінту кезінде ұсталған ер адамнан шағын калибрлі винтовка, мыңға жуық патрон, Шпагин тапанша-оқшашары, Калашников автоматының оқжатары, оқу-жаттығу гранаталары табылды.

Аталған арсеналдан басқа 600 грамм өсімдік тектес есірткі тәркіленді.